Брзо и лесно до здрави оброци

Прелив за салата од павлака, кремав сос или крем-база… Има многу јадења кои тешко можеме да ги замислиме без крем.Но, тоа е можно. Пробајте го овој трик за да ги избегнете мастите од животинско потекло и сепак да ја зачувате кадифената текстура на јадењето. Изматете прелив за салата со мелени индиски ореви наместо со крем.

Состојки:

• 1 чаша индиски ореви (сурови и несолени)
• ¼ лажичка сол
• 1-2 лажички јаболков оцет
• сок од еден мал лимон

Подготовка:

Измешајте ги состојките во блендер и изладете го сосот пред послужување.

Лето без сладолед? Не, благодарам! Дури и ако упорно се држите до принципите на веганската исхрана, тешко е едноставно да го исклучите најпопуларниот десерт од менито. Но, добрата вест е дека не мора тоа да се случи. Треба само да го подготвите малку поинаку – со база од замрзнати банани.

Состојки:

• 3 банани, сечкани и замрзнати
• 1/3 чаша растително млеко (на пример, оризово или бадемово млеко)
• ½ лажичка екстракт од ванила
• 2 лажици какао во прав

Подготовка:

Измешајте ги парчињата замрзнати банани и други состојки во блендер. Ако сакате, може да го промените вкусот на сладоледот и наместо какао да користите овошје.

Слатки пити, солени пити, преголеми пити, мини пити, пити наопаку… Има безброј начини за нивно подготвување, со филови приспособени на личните вкусови и намени, но правењето една такава пита при што се обидувате да ги избегнете животинските протеини и глутенот може да претставува предизвик. Следниот совет може значително да го поедностави вашето искуство во врска со печењето. Вашата единствена задача е да го откриете филот.

Состојки:

• ¾ чаша оризово брашно
• ½ чаша бадеми во прав
• 3 лажици пченкарен скроб
• 2 лажици квасец
• ½ лажичка мелено ленено семе
• ½ лажичка сол
• 5 лажици растителен путер (на пример, путер од кокос)
• 3 лажици ладна вода

Подготовка:

Измешајте ги сите состојки, постепено додавајќи ја маста. Добро замесете го тестото и оставете го во фрижидер половина час. Потоа рамномерно распоредете го во тавчето за пита, додадете го филот и печете ја питата.

Торти, сладоледи, овошни чаши… И облак крем одозгора. Ако не сте потполно опседнати со веганската исхрана, ова би морало да ги разбуди вашите сетила за вкус. Но, ако сте заколнати во исхрана без животински протеини, среќни сме да ве известиме дека сè уште можете да уживате во шлагот. Користете го овој едноставен трик за да го нанесете последниот момент на сладост на вашите вегански десерти.

Состојки:

• 2 чаши од преостанатата течност од конзервираниот наут
• 2 лажички екстракт од ванила
• 1 филџан шеќер

Подготовка:

Изматете ги состојките во масна крема и изладете ги.